Hátindur - Fjallabyggð 60+

Tjarnarborg, miðvikudag 27. ágúst kl. 16:00 Við bjóðum ykkur hjartanlega velkomin á áhugaverðan og mikilvægan viðburð í Tjarnarborg þar sem fjallað verður um félagslega einangrun og leiðir til að sporna gegn henni. Líney Úlfarsdóttir sálfræðingur sérhæfð í geðheilbrigði aldraðra, og Svavar Knútur Kristinsson, heimspekingur og forvarnarfulltrúi, munu deila reynslu sinni og innsýn í þetta mikilvæga málefni. Þau hafa síðustu mánuði ferðast um landið í samstarfi við vitundarvakninguna Tölum saman á vegum félags- og húsnæðismálaráðuneytisins, þar sem þau vekja athygli á áhrifum félagslegrar einangrunar og veita hagnýt ráð um hvernig við öll getum lagt okkar af mörkum.

Landsmót UMFÍ 50+ fór fram með glæsibrag í Fjallabyggð um helgina, þar sem um 350 keppendur komu saman víðsvegar að af landinu til að taka þátt í fjölbreyttum keppnisgreinum. Mótið var sannkölluð veisla fyrir líkama og sál, og skein gleðin úr hverju andliti.

Laugardaginn 17. maí sl. tók Ringóhópur frá Fjallabyggð þátt í Ringómóti á Akureyri, þar sem hópnum var boðin þátttaka.

Búið er að opna fyrir skráningu á Landsmót UMFÍ 50+ sem fram fer dagana 27-29 júní næstkomandi hér í Fjallabyggð.